“ Ka phui nawn lo ding, Ka Pu”

                                                                                                                              The Sai (Tuallawt) 

Zing khat cu kan Nu ka tih ruang si lovin rawl hmeh ding kan neih nawn loh sawn ruangah hmeh lei dingin Boxhill ah ka va feh. Croydon Train Station thlen hlan te ih thingkung hnuai ah Mirang pakhat le Laimi pakhat hi ka hmu ih an tawng cu fiang ten ka thei ngah lo nan to-aw zik zik vek thu sim aw hin an um lai ka va hmu.  

An kiangnai zawn ka thlen hnu ah Laipa tawng pakhat te ka theih ngah mi cu “I wouldn’t split anymore, my Boss”  tin a vun sim cu ka thei. Cutin, ka thinlung te cun ‘Khai mirang pa ke par ah cil a phui ngah pang maw?’ Maw? Laipa cil phui a hmuh hrim hrim kha a duh lo sawn si ding tin lam zin tluan in ka ruat rero. Cu tin Rail sung ka lut cu ka kiangte ah Laimi nupi nu pahnih hin ring zet ih tawng buanbo phah hin Kuber ( Sah-Dah) an hmuam lai fang hi ka va hmu ngah sal la la. An nih cun ziang an ruat lo nan keimah riangri sawn in an Sah-Dah phuinak ding ruat in ka rak buai. 

Kannih Laimi hi kan ram that loh nak thawn Pathian thluasuah co in ram tin hmun tin ah kan thleng. Kan thlennak kip ah kan mizia te “hmawm te-reuh le ei te-reuh” khal kan thlengpi cih vivo. Remcang lo cing khalin kan hmuam ih mawi lo zet khalin kan ei tho tho. Kan ei le hmuam dan lawngte mi dang hrang ih zauh mawi lo zet a um thei. Cui ruang ah mi ram ih kan um cun kan nun ral rin a tul ih mi dang mizia tha le mawi kan cawn thiam khal a thupi zet. Mi za ran hnuai lam deuh pawl pahnih/khat lawng Kuhva ei kan um ih kan Kuhva ti sen tleng tleng tla hi a phui dan kan thiam a thu pi zet. 

Kan pu-pa san ih Lai nun mawi kha khui tawk ram le hmun, miphun dang lak ah kan thleng a si khal len nghilh siang lo teng kan  thlun ring ring thei hi a thupi zet a si. Hmuan le ei te-reuh kan tuah a si khal len fim khur zet ih kan tuah thiam a thupi zet. A ei lawng thiam lovin a phui lam tla kan thiam a thupi zet fawn. Cu lo len cu a rei hlan ah “ Ka phui nawn lo ding, Ka Pu” kan ti ve pang ding!

Ausng San Suu Kyi Chin mi a si thei maw?

                                                                                                                     The Sai (Tuallawt)

Kan nih Tlangparmi (CHIN) pawl hi Chin, Asho, Kuki le Mizo etc...tin hmun hran hranah kan um darh ih cu mi lakah Asho Chin pawl hi Tlangpar (Hilly areas) um lovin Kawl rawn ( Plain Land) Arakan Division, Mandalay, Pegu, Minbu le Magwe hrawngah kum reipi ihsin an rak umih Buddish sakuanak pawmih Kawl mi vekih um ta khal tampi an um. An sim dan vek a si cun kum 1834 ah Rev. Francis Mason in Asho nu tipil tirnak (baptised) a nei, asinan hi nu hmin hi record a um lo/ an rak record lo a si hmang.

Kan theih ciau vekin Gen. Aungsan kha Magwe khua kiangte " Nat Mauk" khua ah 13 Feb 1915 (hrek khatah 1914 tin a um)suak a si. Nauhak fel le cathiam thei zet zakzum zet mi a si. Mak ve zet pakhat cu Phun 7 zir ding ih a upa thawn Yi Nan Chaung khua an feh laiah lam zin khua pakhatah an riak ih an thlen inn an riahnak tei in fala pakhat an nei Aungsan zakzum tuk mi ti ah cui fala te zah cun a ih hlanah zun thawk man/ngam ta lovin a it cih ih zanah a zun a hlau ti a si. Minbu le "Nat Mauk" khua hi Asho mi tampi umnak khua a rak si ih tun hlan U Ne win san lai khalah "Chin National Day" ropi zetih an rak hmang dahih an khua Chairman khal Salai Kyaw Sein a si an ti. Gen. Aungsan hnam thei fiang ding cun a Pa zo a si ti kan theih ta a tul ding. A Pa kha U PHA ( Sih Ni U Pha) a si ih Asho hnam a si an ti.

Asho tawngih PHA tih cu " good" tinak a si hmang.Dr. Salai Thu Than (Asho mi Ph.D) cun "PHA" ti hi Asho tawngah cun hmin mawi zet a si tin DRRD a sim dah. Cun, farah zet mi an si ruangah Phun 10 tiang tlawng a kaiih kum reipi hnuah Sih Ni (Law) correspondent in a zirih Burma pumpi sungah a pakhatnak a ngah ti a si. Gen. Aungsan ih Pa Asho mi a si cun Aungsan tla cu Asho Chin/Chin mi dik tak a si ko lo ding maw? Zo hmanin thu hman/dik kan sim thei lo nan hun siar vivo hman ta...

Kan theih ciau vekin 1947 Feb thlaah khan Pin Lung Sa Chuk ( Panglong Agreement) cu Pin lung khua ih tuah a si ih cu nah kan Chin mi lak ihsin Pu Kiomang, Hlur Hmung le etc...pawl an va feh ve. Vum Kho Hau ( le hnuih Doctor) cun " A profile of Frontier man" ti a ngannak ah cun " 1947 Feb 8, Zing tuante ah Gen. Aungsan cu Chin palai pawl thlennak ah thingpi inpi dingin a ra ih Aungsan cun hi tin a rel ' Independent kan lak ngah thei le ve ten Chin pawl cu State in ding duh hrih hlah uh ziangah ti len nan ramah nan toawdelh hrih fawn si lovi Chin Special Division hin um sawn uhla Central Cozah ihsin nan tul mi mi kan lo zauh le pe ding. Ka thu lo sim mi hi zum uh " Keitla Chin thisen 50% ih rawi mi ka si ve" a ti tin a ngan. Chin mi a si maw si lo cu mah le ruah pawm dan ciar si se la... Kum 1988 lai ih kan ram pumpi tlawngta nauhak buai lai khal ah U Ne Win cun Suu Kyi cu “ hi Chin nu hi a hnawksak tuk” a rak ti dah an ti. 

Kawl pawl in Gen. Aungsan thu hla an ngan tin ten a Pa (U Pha) lam an ngan dah lo an ti. A nu (Daw Suu) lam lawng lawng an ngan theu. A nu hi cu Kawl miphun dik tak a si ih a unau pawl khal Taw Hlan Yi Ta Ma (Revolonsoner) ngai ngai an si. Kan nauhak laih kan zir theu Bu Min Yaung kha a nu ih U (Aungsan ih pu) a siih cu mi lo midang tampi an um hnuaihni in an rel. Cun, Aungsang ih nupi (suu kyi nu) Daw Khin kyi hi cu Kawl-kala le Karen rawimi thlah a si ih a thih tiang christian Baptish a si. Anih hi India le Nepal ramah Burma Ambasdor tuan in New Delhi ah an rak um dah ih cu nah Suu kyi khal Lady Shri Ram College ah B.A a theh. Cui hnu khalah Oxford University khalah tlawng a kai sal la la ih degree phun phun khal a ngah bet a si. 

Gen.Aungsan a Japanese hmin ka lo sim ta ding Omada Monchi a si. A nauhak lai hming cu Thein lin a siih a hming lem (thup awknak) cu Naung Cho, Bo Tayza tin tla an ko theu. U Ni win thawn an kohawknak code hming cu Ko Set Pe a si. Ka duh hnakin ka ngan tam deuh deuh nan ne ta bik hrang hi mi te ka lo sim ding...a Chinese hmin cu....Tan Lu Sho. Lungawi..

Sources; Zohnahthlak Aungsansuukyi; By DRRD , wikipedia, Aungsan biography; By ( a ngan tu hmin ka thei nawn lo Delhi ah ka tan ta).

“Zu rim hria thei Motor”

                                                                                                   The Sai (Tuallawt)

Shillong-a College ka kai lai khan kum 2000 Xmas hmang turin ka Pa’n min chah haw a. Xmas leh a boruak lai a ni bawka tlai khat ka leng haw kan chaw ei tur chu ka U hian “Hey, eng rim nge i nam?” min lo tia, kei lah pek chuan ‘a nant piauh-si’ ka ti maia ‘chu chu eng nge?’ tiin min zawt nawn leha ‘a rim rehna’ tiin ka chhang ve leh ta mai bawka. Eng rim rehna maw tiin min zawt nawn leh ta fova ‘Zu rim, zu rim rehna’ ka ti bulhmuk a, a ni lo ‘Zu rim’ a nih hi a la ti fan a.

Ka nu hnenah a zualko zuia a rim rehna (a-nant piauh-si) rim chu Zu rim zawk emaw an lo ti ni awm tak a ni. A rim rehna rim pawh Zu rim emaw an lo ti dawn tho tih chu hria lawk ila in bum loh law law kha a fingthlak zawk tur. Tichuan, a zan vekah tuna kan Library awmna tualah hian PYF (V/ch) thalai khan intihhlimna (Fellowship) kan neia, buai palh a awm loh nan tiin Gate vengtu an dah a (chu chu zu rim nam luh phal loh tih a ni) Zu hi a mak ve khawpa mahnin lo in tawh chuan midang zu rim nam hi a hriat theih der lo maia Gate  vengtu khan min lo hnim deuh suk suk teh naa hriat ngaihna awm hek lo le ‘a nant piauh-si’ ei dun ve ve kha kan ni miau va a nuihzat thlak mah zawk! Chu lam chu ka sawi tum tak phei zawng a ni lova ka han sawi duh zawka chu ka chhungte ang maia ‘a-nant piauh-si’ pawh Zu rim emaw ti ve ngai lo “Zu rim dik tak hria thei Motor”a ni.

Khawvelah nitin mai hian mi za tel tak meuh hian Zu avanga Motor accident tuar an awma. Car accident.com in a sawi dan chuan awi harsa khawpin USA ah khuan Motor accident a tama nitin mi 115 vel zel an thia (US ah State 50 a awma State khatah nitin mi 2 aia tam Motor accident vangin an thi tihna a ni) chu chu minute 13 dan zelah mipakhat thi ang an ni a. Kum 2005 khan USA ah chauh Car accident vawi 6,420,000 a awma, inhliam 2.9 million an awma 42,636 in an thih phah bawk a ni. Car accident vanga Car chhia zawng zawng hi 230 billion man hu vela chhut a ni a. World Health Organization in an record dan chuan khawvel pumpuiah nitin mi 3,000 velin Car accident vangin thihna an tawk bawk a ni. A rap thlak mang e! Dawt ka sawi chu a ni em lo maw?

Australia hi khawvela car accident tamna ber ram 10 ziangah a tel ve a. Kum 2008 khan Car accident vangin mihriang 1,464 in an thih phaha mihring nuai khat dawnin hliam an tuar phah bawk. Australia ram chhungah chuan New South Wales leh Victoria State te hi Car accident tamna State a ni. Australia State zingah South Australia State hi Car accident tamna pawl a nia a tam ber erawh a ni lo nain Statistic ka hmuh theih chhun ber a nih vangin har tar lang ve ila. South Australia State ah hian ni 2/3 dan ah Car accident vangin mi pakhat ang zel an thia nitin mi 20 chuangin hliam an tuara an zingah mi 4 ang hu chu damdawi in thlenpui an ni. Kan chenna Victoria State (Melbourne) ah pawh hian TV(news) han en ila news an update (dar kar tina chanchin thar puang)a piang Car accident hi hmuh tur a awm fo bawk thin a ni. Car accident 100 zela 87 (87%) chu Zu ruih vang a ni a adang chu Motor khalh laia phone biak (mobile) biak vangte, chak lutuk (speed over) vangte..etc an ni.

Sap ho Zu an rui ngai lo an lo tih thin kha a ni aw zawng lo mai! A in tu an tam leh an in tam dan a zira teh a nih erawh chuan ka hria lo. Zu ruih vanga accident an tam bera accident avanga thi an tam ber bawk awm e. Chuvangin Traffic Police te hian ngawrh takin an duty-a Zu ruia Motor khalh ni awm an hmuh chuan Alcahol Breath Teste (thil an ham tira zu an lo in a nih chuan a lo lang mai) an neih tira 1.5 mil (zu lo in pawh ni se 1.5 a pelh loh chuan ngaihdam a ni/ a zu in khan a ngaihtuahna a ti buai pha lova ngaih a ni) a pelh chuan pawisa an chawtir emaw a Driving Licence an laksak emaw, kawng sirah an din tira a chhungte rawn hruai turin an kohsak mai thin. Driving Licence hi chi hnih a awma Proportionary (6 points) leh Full Licence (12 points) tiin an then a. Alcohol Breath Test-a an man fo tawh te (record hi an Licence ah a awm vek a ni) leh Speed limit over vanga an man te chu an man tam dan a zirin an Driving Licence Point kha a tlem ve tial tiala, an man zing lutuk chuan an Point (6 or 12) kha a zo thaka Licence an laksaka Motor khalh thei lo in an awm thin a ni. Licence nei lova Motor an khalh luia an man fuh chuan kum 3 chhung Licence neih an khapsak bawk thin. Motor lo chuan hna a thawh theih lova, hna thawh loh chuan ei tur a awm si lo tu te pawn Licence laksak chu an hlauh ber a ni.

Ti chuan, Point la nei tho si Alcahol Breath Teste-a an man fo te tan “ Zu rim hria thei khawl” (Interlock Devices tia an koh) chu an Motor khalhna bulah an vuahsaka an khalh dawn a piangin an hama Zu rim an lo nam chuan an Motor engine chu a nung (start) duh tlat lo bawka, kawnglaiah pawh chu khawl chuan a duh duh hunah min ham leh rawh ti ni awm hian a rawn kiu vak vaka a ham loh chuan Motor engine chu a thia, a ham nawn leha Zu rim a awm loh chuan tha takin a tlan ve leh mai bawk a. Zu rim nam changin thiante han ham tir mai a theih nain kalna tur apiangah min zui a ngaia (a chhan chu a duh duh hunah khawl khan min ham leh rawh a rawn ti mai zel) Police in min man fuh palh a nih chuan a aia nasa zawk hremnak chu bel chhung sa ang a ni.Ti chuan, chutiang ‘Zu rim hria thei Motor’ chu thla 6 atanga kum 1 chhung an khalah Zu rim nam miah lova RECORD a awm chuan Traffic Police ten Full Licence chu an pe ve leh maia Interlock (Motor khalh dawn apianga ham) pawh chu an phelhsak leh thin a ni. He Interlock hi thla khatah $ 135 vel senga thla tin tih nun tir a ngai ziah bawk a ni.

Russia rama Zu rui chunga Motor i khal an man che chuan dam chhung Driving Licence an laksak ang che, England ramah chuan kum khat lung in tang leh Driving Licence laksak bakah 250 i chawi bawk ang, France ramah chuan kum khat lung in tang leh kum thum chhung Driving Licence laksak leh 1000 chawitir i ni anga, Poland ramah chuan lung in tang, pawisa chawtir leh Motor khalh atir atang zir nawntir i ni ang, Norway ramah chuan kart hum chhung lungin tang leh pawisa chawitir i ni anga a tul dana zirin kum nga chhung i Driving Licence an hlihsak ang che, Bulgaria ah chuan i nunna thleng a hlohawma, Finland leh Swenden ah chuan kum khat chhung Public hna thawhtir i ni bawk ang, Mahse Burma ramah chuan Zu rui chunga Tahan atang Tiau thlang i khalh theih chuan Tiai ah arsa leh Zu i ei teuh ve thung anga tui takin i mu ang. Ram danga Motor kan khalh chuan pit pi (horn in pek) min pek chuan kan zaka kan thin a rim thin, Tahan a Motor i khalha i pit pi loh chuan a zahthlak leh lawi si a ni.

Aw le, keini ang thal khaw luma an-hling hang hawp hluah hluah thin, be-hlawi huna zing lama a kan tlai lama chhawh-chhi nena bawl, favang leh buh zah ni khuaah pawh sa dang lei ve thei lova mahni ran neih chhun varak (mandali) talha a leh pek sa ei hun tur Xmas ni nghak leh tawp thin tan zawng he ‘Zu rim hria thei Motor’ (Interlock) hi Printing Mechin-a USB va hawlh luh zeuha Booklet a kilhsa a a lo chhuak zung zung mai tih loh ah hi chuan a mak danglam em ve bawk a ni. Ka PYF (V/Ch) member pui ten hriatzauna a tan in lo hmang ve hlauh takin ... Duhsakna nen!!! (Melbourne 3:37AM 90811)

“Lengkhawm Zai”

                                                                                                By; The Sai (Tuallawt)

Mizote mizo bikna riau a lan chhuahna pakhat chu Lengkhawm zai hi a ni awm e. Khawi hmun leh rama kan thlen pawhin kan zinga lusun khawhar kan awm chuan lengkhawm hlain kan in hnema chu chu hnam dangte zinga Mizo danglam bikna pawh a ni reng a. Lengkhawm zai hi kan unau hnam dang ten an nei ve tho nain lusun khawhar te kan inhnemna ang chi ‘lengkhawm hla Or khawhar hla’ bik erawh an nei chiah lo (tun hnuah erawh Mizo khawhar hla atangin letlingtu an awm pheuh pheuh). Chuvangin Zo nun leh lengkhawm zai hi a in kawp tlata Zonunmawi par chhuahna chi khatah pawh kan ngai thei awm e.

Lengkhawmnaa zai tui tur hian mipui tam leh tlemah a in nghat lova, mi tlem te pawh tui takin an zai thei thova mi tam tak pawh nise tui mang lova zai a awm ve thei tho bawk a ni. Melbourne khawpuiah pawh ‘lenkhawm zai’ hi lusun khawhar inah kher nilo in pawlhonaah pawh kan zai ta fova kan tlem ngaihtuahin kan tui thei viau maia a nuamin a hlim awm hle a. Tun aia kan zai tui theiha hma kan lo sawn zel theih nan Lengkhawm zaia a hnukpui chelhtu ‘Khuangpui pu’ leh ‘Hla hriltu’ te chanvo leh mawhphurhna a ka ngaih tlem han sawi ve ka duh a ni.

Khuangpui pu: Lengkhawm zaiah hian Khuangpui leh khuangte tiin khuang chi hnih a awma a hmun leh ramin a zir lohnaah chuan Khuangpui leh khuangte tih a awm ve hran loh avangin tuna ‘Khuangpui pu’ ka han tih pawh hi ‘Khuangpu’ a ni ber mai ang chu. Khuang pu chungah hian lenkhawm zai tui leh tui loh a in nghat ber avangin khuangpu mawh phurhna hi a lian hle a ni. Chuvangin lengkhawm hla thiam leh zai tuimi na zawng hian khuangpu nih a theih lova a phur phur tana tih mai chi pawh a ni bawk hek lo. Khuangpu tana hriat tura ka ngaih pawimawh then khat han tar lang ve ila...

·        A tawk chauha (a sang leh hniam) hla lak thiam

·        A hla sak (a rang leh muang) leh a khuang ri in miltir thiam

·        A hla san lam Or hniam lam leh khuang ri in miltir thiam ( Zawitea hla saka ring taka khuang vua leh ring taka zaia zawitea khuang vua leh lawi si ang chi)

·        Hla in mil a dawta sak tur thlan thiam (Tuna kan Melbourne din hmunah chuan Hla kan thiam rual vek loh avangin mipui thiam rual tur hla ni tho si a dawta sak leh tur thlan thiam hi a pawimawh zual bik)

·        Hla sak tui laia pawnchhuah loh ( Hla sak tui laia Khuang pu ber a chhuak zuk thin hian hla sak tui lai a ti bo thei)

·        Mipui tana thaw lak hun siam rem sak thiam (hla khat leh hla khat inkara rei lo te chawlh ang chi)

·        A tawk chauhva fiam thu thawh ( Lenkhawmnaah hian mipui mit chu Khuang pu chungah a fu fura nula fiam zawk zawk ang chi te Khuangpuin mipui fuihna thu sawi ve chhen ang chi te hi thil tha viau ang mah se a mawi lo duh khawp!)

Hla chang hriltu; Lengkhawm hla bahlah lova tluang taka an zai theihna tura mawhphurtu chu ‘Hla hriltu’ hi a ni awm e. Lehkha ziak erawh chhiar a ni a hla erawh an hril thung a ni. Chumi awmzia chu Hla hi (kan sak lai chuan) chhiar tur a ni lova a hrila hril tur a ni. Hla hril awmzia chu a chhiara chhiar puat puat leh a sawia sawi thuak thuak a ni lova ‘thluk’ nei deuhva aw-ki siam hi a ni awm e. Mizo tawng chhiar thiam na zawngin hla an hril thiam lova, Hla thiam leh hla hria mi na zawngin an hril thei bik bawk hek lo. Hla hriltu te tana hriat tur pawimawh ka tih then khat te han sawi ve leh ila...

·        Khuangpuin hla a lak zawh vea hril zawm theih a tha

·        Khuang leh khuangpu aw mila hla hril thiam a pawimawh ( Hla sang tak sak laia zawitea hril Or Hla hniam deuh sak laia sang/ring taka hril, Khuangpuin ring deuhva a vuak laia zawitea hla hril ang chi)

·        A tawk chauhva hla lak nawn thiam ( Khuangpu hian an mahin hla an la nawn mawh khawpa hla lak nawn hi hla hriltu mawhphurhna a ni. Mahni hla duh zawng a nih vanga hla lak nawn fote, mipui thiam rual loh hla lak nawn fote hi fimkhur a tha. Chutih rualin mipui zai tui dan dinhmun thlir renga hla lak nawn thiam hi a pawimawh bawk a ni. Zai tui viau mah ila Hla chang 5/6 nei ang chi hi chu a tir atanga lak nawn kher loh a tha bawk)

·        A theih hram chuan Khuangpu bula thut theih a tha ( Khuangpu leh hla hriltu karki taka thut hian zai a ti tui mawh)

·        Mipui hnenah hla thlanna hun siam/hawng thiam a pawimawh (A hun leh hmun nena inmil lem lo mipui zing atang hla thlang an awmin hla hriltu ni lovin Khuangpuin a khap a mawi)

·        Uarna siam thiam a pawi mawh ( He ta uarna ka han tih deuh bika hi chu hla changthua awm lem lo tehkhin nan Aww, Haleluia, Amen tih ang chi te hi kan thiam rual hlaah chuan han telh zeuh thiam a tha)

·        Hla hriltu nui uar uar leh mi melh zuk zuk chingte tawngtai laia lo meng kuaute hi a mawi lo hle.

Tin, lengkhawm zaiah hian mipui te pawh kan pawimawh hle. Khuangpu hla laksa lo lak nawnsak te hla hriltu hril tui lai lo chhawksak tum ve phet te hian zai a ti tui lo. Khawhar ina kan len chhan ber pakhat chu khawhar chhungte lunglen ti bo tura zai-hla hmanga zaiho a nih rual rualin ‘Lusunte hnemtu’ buatsaihtu chuan khawhar chhungte mittui thla zawih zawih khawpa kan zai theih hian lenkhawm a hlawhtling a ti ve tlat. Awle, Zai lovin kan awm thei si lova lengkhawm lovin kan awm thei bawk hek si loh avangin a chunga ka han tar lan tak tlemte khin tangkaina a lo neih palh takin.....

Thank You le Sorry !

                                                                                                                                  The Sai (Tuallawt)

Kannih Laimi hi Pathian thluasuah coin kan ram din hmunin a zir lo fawn thawn hmun tin ram tinah kan thleng. Hrek khat cun hmasawn le thansonak nasa zetah kan hmang ih kan umnak ram ih ti dan ciau te te tla zir tul mi le zir ding a tam vivo.

Cuvekin kan umnak ram ih tawngkam mawi te te tla hi kan zir thiam a thupi zet. Kan Lai ram ah cun kan inn hnen kiangkap in hanghnah hangrah te te in pek khal ah lungawi ti hnak in ‘ nangmahin Coka ah i hun ret sak law law aw’ kan ti men theu. Asinan, tu kan umnak ramah cun ziang khal hun rel sela “ Thank You” ti zel a si.

Curuangah kan kiangkap kan umnak ram neitu pawl ih tawng mawi mi te te “ Ka lungawi” ti hi tu hnak in kan uar sawn a thupi zet. Kan fa le siseh kan nupa par khalah “ Ka Lungawi “ ti hi kan hman thiam a tul zet. Kan Lai ram dan te cun zo hmanin kan fa le parah “ Ka lungawi” ti a um dah lo. Asinan, kan kiangkap mirang pawl cu an fa le hnen khalah “ Thank You” an ti thei ring ring a si.

Cuvek tho thoin, ‘Sorry’ ti tawngkam tla hi a thupi zet. Kan tuah dik lo mi, kan ti dik lo mi, kan theih sual mi le kan palh mi pawl par ih “Sorry” (ka ti pang a si) tin kan ti thei hi a thupi zet. Na fa le par khal ah na tuah dik lo le na sual pang mi a um a si khal len “ Sorry” tin ti mai aw la cu cu a ngaitu hrang khalah ngai huam zet tawngkam a si.

Zo zo khalin hi tawngkam pahnih “ Thank You le Sorry”  ti te hi hman uar le zuam ciau uh si... Aw le, FCCM khalin kan tlin lohnak le tuah palh mi parah ‘Sorry” ... In duhsaknak parah “ Thank You”.....

“Building Committee ih hmalak dan”

                                                                                                  By; The Sai (Tuallawt)

Rev. Richard Johnson in Hunter le Bligh (Sydney) lam zin sir ih leitlak thawn Biak Inn a rak sak mi Australia ram ih Biak Inn hmaisa bik an sak kum ihsin siar cun tu hi kum 218 nak a si. Cui kum cu 1793 a si ih Laimi in Christian kan si hlan kum 100 lenglo ah Australia ah cun Biak Inn an rak nei daih zo tinak a si.

Australia ah Biak Inn neih a tul lo, mirang pawl ih Biak Inn ah khawmnak ding a tam tuk kan ti men thei! A si, cu cu thu dik a si nan cu vek tho thoin Australia ah inn neih khal a tul lo mirang pawl ih in hlang/san ding a tam tuk kan ti sal a si len a dik thei nawn lo ding. Mai umnak inn ding hman thupi ih kan ruat cun Amah Pathian ziang tin kim in petu kan fak le biaknak ding Inn cu ziang tlukin a thupi ding! Mai ta a si mi inn ih um a nuam vek tho thoin mai ta a si mi Biak Inn ih khawm tla a nuam. Mi inn hlang ih um a hreh um vek tho thoin mi Biak Inn hlang ih khawm tla a har zet.Cui dinhmun cu theithiam in kan ECCM hruaitu upa pawl cun hmai lam can saupi ruatin kan te-sin fa pawl hrang Biak Inn kan neih theinak ah tin “Building Committee” cu mipi zate lungkimnak thawn din suah a si.

Ahmaisa bikah Biak Inn hrangah mipi lak ihsin sum hawl dan ding cu huphurh zetin Pathian hnen ih thlacamnak thawn ‘Building Committee’ cun thu rel khawmnak a nei, Pathian in member lak ihsin ruatnak tha tha tla a pe ih a lungawi um zet. Committee pawlin nasa zet ih an ruat hnu ah tui kum hrang ‘Building Fund’ hawl dan ding ih an tim tuah mi pawl cu One Day a Dollar (ni khat fangkhat) Bawmte zem, Kohhran member pawlin an pek thei ciau zum mi sumpai bi-tuk sak, Lai rawl suan ih zuar, Farm feh, Gospel Concert neih pawl tla an si. Committee pawlin an tumtah mi hi fehpi rero a si ih tu kan thlen cinah Kohhran nu le pa pawl ih lungkimpinak tampi kan hmu ih a lungawi um zet. Bawm te ih ni khat fangkhat thlak mi tla nu le pa tam sawnin nan fa le nan rak thlak ter ring ring theu mi kan theih tikah Pathian kan thangthat a si. Nan pekmi a lak lo ding.

Kohhran member sungah inn tin an mah le pek thei tawk ciau ding ih kan zum mi sumpai zat bithliah mi cu ca-eih in thlacamnak thawn in tin zem sal a si. Kohhran nu le pa pawlin huam aw zet ih nan pekawknak kan hmuh tikah a lungawi um ngai ngai. Nu Hlawn Bawi rori in harsa te ka si nan Biak Inn saknak hrangah cun rawl hmeh sia deuh tla ka ei mai ding ti tiang ti ngam khawp ih a pekawknak tla a ropi zet. Hna tuan lei lo te te inn sungsang pawl tlain “ a thawk pekah cun pek ding hi kan huphurh zet nan tu ah cun thlacamnak thawn Pathian Biak Inn hrangah pek thei rori kan tum” ti tu tla nan um ih a lungawi um zet fawn. Tui na pawisa neih kha zo si lo pe tin lo sut bang sela nauhak te khalin Pathian tin a lo sim ding. Na fa le sweet na sum ih pakhat te na dil tikah pe siang lovin an lo dung tun a si len cu a dang pek duhnak thinlung na nei lo ding, asinan siang zet ih an lo pek a si len a hnak ih tam pek duh salnak thinlung na nei ding. Pawisa in petu Pathian khal kan pek siang sal dan ih zirin tam sin in pe thei tu a si.

Pathian malsawmnak zarah kannih Laimi khal Australia ram ih kan rak thlen ve ten kanmah le tawng ciau in Pathian biaknak kohhran te te kan ding. Rev. Richard Johnson khan Biak Inn a rak sak thawk lai ah tun hnu kum 200 lengah Laimi pawl tla in Australia ah Biak Inn sak an ra tum ding ti cu a thei cia lo ding nan ziang kim theitu le timtuah tu Pathian thil rel dan hi a ropi a si. Biak Inn (Kohhran) a thupi lo, Kohhran ah run damnak a um lo na ti men thei, Asinan Pathian in Biak Inn (Kohhran) ih um lo le Kohhran a nei lo tu cu a run dam lo ding. Biak Inn saknak hrang ih sumpai a pe tu hmuah hmuah Pathian in a let tampi in thluasuah lo pek hram seh...

“Kohhran hian Internet kan mamawh em?”

                                                                                                                   The Sai (Tuallawt)

Tahan-ah chuan Cycle (thirsakawr) emaw Bawng-hal leh Tawlailir emaw kan neih loh chuan kut-ke nei lo ang mai kha kan ni a chutiang thoin Sap ramah pawh Motor Car neih loh chu ke nei lo ang kan ni a, Computer (internet) neih loh pawh kut nei lo ang tho hi kan ni awm e. Hman ni lawka khawvel pumpui kan tih mai thin zau hmel em ema kan ngaih thin kha tunah chuan ‘Global Village’ an ti tawha engkim mai hi (han ti ila) Computer Internet hmanga chanchin inhriattir zung zungna leh hna thawhna vek a ni tawha a tel lo chuan hna thawh theih pawh a ni meuh tawh lo. Computer thiam ka nih ve bik loh avangin a hna thawh theih dan ka sawi fiah thiam seng dawn lova amarawhchu a hna thawh theihzia erawh a hmu lo tu pawn hrilh nawn ngai lovin kan hria theuh tho awm e.

A kum chiah erawh ka hria chiang tawh lova Vengchhakin Key-Board kan neih dawn khan kan nu le pa thenkhat te kha chuan tul an la ti lutuk lova a chhan ni bera ka lo ngaih ve chu a thatna kan lo la hriat tawk loh vang ni maiah ka ngai a. Kan han neih hlimte kha chuan kan nuho leh pa thenkhat te kha chu a bit an lo bo deuh te pawh a ni ang “Aw Lalpa i malsawmna hlu kan engkim chungah a lang” tih hla te pawh ‘A malsawmna kha kan engkim chungah a lang hlei thei tawh lova’ kan lam tha hlei thei tawh lova kan kutbeng ri leh ke chheh dante chu Key-Board ri nen  a in mil loh tak nuaih hnuah phei kha chuan ‘thalai inkhawm zanah chauh hmang mai rawh se’ tia ti ti sawi neuh neuh tute kha kan awm hman a. Chutiang an ti tina chu he thu ziaktu ngei pawh hian a lo tawmpui hman hial tep a ni.

Hun a rawn rei deuhva a tumtu (keyboardist) te pawh an hmasawn bawka a hman dan dang dangte an rawn thiam cho tial tiala khuangpui leh khuangte in a tih rik ve theih loh Key-Board in a tih rik theih si bik tamzia kan rawn hria cho ve zel bawka, khuangpui aia thum ring zawk leh khuangte aia ri-fiak tha zawk a lo awm tih kan hriat hnu meuh te phei kha chuan ‘a malsawmna pawh kan engkim leh Key-Board chungah a lo lang’ leha a tel lo chuan lam kan tui meuh tawh lova kan Haleluia pawh a zawi ralh zawk tawh mai niin ka hria. Awle, Chung thute chu tuna ka sawi tum tak erawh an ni chiah lova ka sawi duh tak zawka chu “Kan kohhran hian tuna kan la mamawh loh leh tul lova kan ngaih thilte hi a hman dan kan la thiam tawk hrih loh vang emaw a tangkaina kan la hmu fuh thiam tawk loh vangte pawh an ni thei e amaherawhchu chung a pawimawhna leh tangkaina hria thei tur chuan kan neih hmasat phawt hi a ngai a ni”.

Tunlai khawvelah Computer (Internet) hmangin vawin ni a Khawchhak rama thil thlengte chu a tuk khua var hmain Khawthlang rama cheng ten an lo hria vek hman tawha, Hmar ram tawpa khuangpui ri atang chuan Chhim ram tawpa hlimrui thin mi te chu an lo Haleluia-Amen suau suau tawh mai zawk a ni. Internet hmangin khawvel chhim leh hmar, chhak leh thlang chu mit khap kar tak meuh chhungin chanchin an inhriattir zung zung tawh a ni ber mai. Mimal thu pawimawh leh inhriattirna atan tumahin Dak in (Post Office) hmangin lehkha an in thawn tluk tluk ngai tawh lova nula leh tlangvalte pawn Post Office hmangin biahthu an in hlan chhawng ngai tawh hek lo. Company, Associations leh Organizations then khat atanga an mahni infakna leh thil nepnawi (parcels) in thawnna atan chauh tih loh chu Post Office te hi an hmang vak tawh lova lehkha pangai inthawn nan phei chuan an hmang ngai tawh meuh hek lo. Zirlai ten an zir duhna hmun College leh University te chu Computer (Internet) hmangin an zawnga, an sumsen zualpui puitu Scholarship te pawh Internet atang vekin an zawng bawka an zirlai pawimawh zual pawh Internet hmang vek tho hian an zir tawh a ni. Chu lo thil dang kan nitin khawsakna atan kan mamawh leh pawimawh tam zawkte pawh Internet veka tih a ni ta.

Khawvela Pawl (Organization, Company) tam zawkte chuan internet hmangin chanchin an in hriattir vek tawka an mahni awm hmun atang theuhin an hmasawn dan leh hmalak dan tur an sawiho tawh zawk a. An thil siam chhuah thar te chu internet hmangin an in en tira a lem pawh internet atang vekin an inthawna a tam zawk chu internet vek hmang hian an zuar chhuak bawk thin a ni. Chutiang thoin News Letter (chanchhin bu) hrang hrangte pawh a bua semna hmun la tam tho mah se hmun tam zawkah chuan Internet atanga en leh chhiar theih maia siam vek an ni a lehkha bu then khatte pawh internet hmanga chhiar theih tura dah a ni. Mahni hla duh zawng pawh internet atanga zawna ngaih thlak mai theih a ni a Movies (Film) duh zawngte pawh mahnia zawna (free download chi) internet hmanga en mai theih a ni. Bank Statement, Bills (tui leh electric) leh thil chi hrang hrang hman man chu Office-a kal ngai kher tawh lovin internet atangin an pe mai bawk thin. He internet tangkaizia tehkhinna tha ber chu keini tuipui ral rama chengte pawn PYF Palai awm hmuna kan lo chhiar ve thei mai te hi a ni awm e. Khawvela Kohhran hrang hrang ten an rawngbawl dan leh an hmalakna te pawh internet atang hian an in hriattir zung zung tawha chu chuan inpumkhatna tha zawk a thlen bawk thin a ni.

Chutiang khawvelah chuan keini Tahan PCM Vengchhak kohhrante pawh kan cheng ve a. Chuti a nih chuan “Kan kohhran hian Internet neih kan mamawh em?” tiin zawhna siam ta ila tuna a chhanna kan dawn tur chu lian leh ring zetin ‘mamawh lo’ tih a ni mai thei. Engvang nge? A chhan ni thei bera lang chu a chunga kan han tar lang tawh angin “a tangkai dan te, a pawimawh dan te, a hna thawh theih dan te leh thil a tih theih dan te kan la hriat tawk loh vangte pawh a ni thei”. Chutiang hria thei tur chuan kan Key-Board anga kan tum rik theih  phawt a ngaia tum ri thei tur chuan kan neih hmasat phawt hi a ngai bawk si a ni. Tak tak emaw ka hria lova, Ka u khan “Ka Pa hei miin Bike an lei sup sup bawka lei ve ila” a tia ka Pa chuan “ziang hrangah saw kan hman ding?” a lo ti sam et a ni awm a. Kan han neih ve theih hnuah meuh kha chuan le...ui..ui..ui..Cycle aia chuan a lo nuam bikzia leh a lo chak bikziate, a hna thawh theih dan leh tangkaina te a han hriat fuh hnu meuh kha chuan khawi lo han kal hlek dawn pawn “Cycle-a phurh chu ka thu thei lo, in englo (motor cycle a sawi duhna) te khan min phur mai rawh uh” zuk ti leh hnuhnawh thin a. Chutiang chu kan ni ve lovang tih tu nge sawi thei?

Awle, Kohhran kan tih hian thlarau lam nun hmasawnna kawng bakah hring nun hmasawnna kawngah pawh mawhphurhna a nei a kan tunlai khawvel din hmun hmasawn chak dan ang zela Kohhranin ke kan pen ve zel hian Kohhran hmasawn leh thangchho an tih chu kan lo ni mai dawn a ni. Nei phawt ila, a hman dan kan thiam belh zel anga kan tangkaipui tual tual bawk dawn a ni. “Tuipui ral ram atangin a duh thusam a rawn au vak vak maia” te pawh min ti mai thei e, a ni.. chu chu thil dik a ni si a. Kan kohhranin Internet neih hi ka duh thusam dik tak pawh a ni renga, Kan vengchhak Kohhran hmasawnna atana ka duh thusam au hla bengchheng lo titu chuan Davida virvawm pawh hmang mah se Goliatha chu a vawm tlu bik kher lo ang le !!!. (Melbourne; 3:40 AM 20711)